ირაკლი ხახუბია ხობში ფონდი „ქართუს“ აშენებულ საბავშვო ბაღის გახსნას დაესწრო

14.10.2020 02:58

Georgian Dream SZS

არხი

ფოთის, ხობის და სენაკის მაჟორიტარი დეპუტატობის კანდიდატი ირაკლი ხახუბია ხობის მუნიციპალიტეტის სოფელ ძველ ხიბულაში ფონდ ,,ქართუს" მხარდაჭერით აშენებული საბავშვო ბაღის გახსნას დაესწრო. კანდიდატის თქმით, ხიბულას საბავშვო ბაღი, კეთილმოწყობის მხრივ, ქვეყნის მასშტაბით ერთ-ერთი საუკეთესოა და სამაგალითოდ გამოდგება, თუ როგორი გარემო და როგორი პირობები უნდა შევუქმნათ ბავშვებს სხვა სოფლებსა და ქალაქებშიც. საბავშვო ბაღის აშენება ადგილობრივმა მოსახლეობამ ბიძინა ივანიშვილს ძველ ხიბულაში ვიზიტისას 2019 წელს სთხოვა. საბავშვო ბაღის გარდა ძველ ხიბულაში აქტიურად მიმდინარეობს შენებისა და კეთილმოწყობის პროცესი. შენდება ეკლესია, მიმდინარეობს სკვერის მოწყობა, რეაბილიტირდა ცენტრალური და შიდა გზები, დასრულდა სოფლის გაზიფიცირება. გამორჩეულად აღსანიშნავია, რომ ფონდ „ქართუს“ მხარდაჭერით უკვე დასრულდა ზვიად გამსახურდიას მემორიალური სახლის რეაბილიტაციაც, რომელიც საქართველოს პირველი პრეზიდენტისა და ქვეყნის უახლესი ისტორიის უმნიშვნელოვანესი მემორიალია. #ერთადსაქართველოსწარმატებისთვის

გაზიარება: