ქართველი სტუდენტები სამხრეთ კავკასიაზე

„ამბებს მიღმამ” საერთაშორისო პლატფორმაზე სამხრეთ კავკასიელი ახალგაზრდებისთვის ახალი, ოთხ-ნაწილიანი ინიციატივა დაიწყო, რომლის ფარგლებში აზერბაიჯანის, საქართველოსა და სომხეთის (ანბანური თანმიმდევრობით) ახალგაზრდებს ვაძლევთ შესაძლებლობასა და სივრცეს თავისუფალი კომუნიკაციისთვის, გამოთქვან თავიანთი მოსაზრებები რეგიონში მიმდინარე პროცესებზე და მოუსმინონ ერთმანეთის შეხედულებებს. “ქართველი სტუდენტები სამხრეთ კავკასიაზე” სწორედ რომ ამ საერთაშორისო ინიციატივის ნაწილია, რომელსაც ქართულ ენაზეც გთავაზობთ. სერიის პირველ ნაწილში სხვადასხვა უნივერსიტეტიდან საერთაშორისო სამართლის, მართვისა და სოციალური მეცნიერებებისა და სამართალმცოდნეობის მიმართულების ექვსი ქართველი სტუდენტი გვიზიარებს თავიანთ ხედვებს რეგიონში მიმდინარე პროცესებზე, არსებულ კონფლიქტებზე, სამხრეთ კავკასიელი ერების ძირითად მსგავსებებზე, ძალთა ბალანსსა და რეგიონის სამომავლო პერსპექტივებზე. სერიის შემდეგი ორი ნაწილი აზერბაიჯანელ და სომეხ ახალგაზრდებს დაეთმობა. თუ ხარ სამხრეთ კავკასიის ახალგაზრდობის წარმომადგენელი და გსურს, გაგვიზიარო შენი მოსაზრებები, გააცნო შენი ხედვები ათასობით ადამიანს მთელი მსოფლიოს მასშტაბით და გასცე პასუხი კითხვებს, რომლებიც ქართველ სტუდენტებს დავუსვით, შეავსე მოცემული ფორმა. ჩვენ შენ გელოდებით. სერიის პირველი ნაწილი: https://bit.ly/3tdgibZ შესავსები ფორმა: https://bit.ly/2YfmXqF