კულტურა და ტრადიციები ქართველებისთვის ის მთავარი ღირებულებებია, რომლითაც ხშირად სიამაყის გრძნობა გვეუფლება ხოლმე. ამას უცხოელი სტუმრებიც ხშირად აღნიშნავენ, შესაბამისად მსოფლიო ყურადღების ცენტრშიც არაერთხელ მოვქცეულვართ, იგივე ჩვენი გემრიელი ღვინის წყალობით, ან გამორჩეული კულტურის ხარჯზე. ნიკოლოზ ხომასურიძე კი ის რეჟისორია, რომელიც ქართული გენის წარმოჩენის სადარაჯოზე დგას და „ექვთიმე თაყაიშვილი ღვთის კაცის“ შემდეგ ფილმის, სახელწოდებით „საქართველო“, გადაღებებს იწყებს. მხატვრული ფილმი ქართულ ცეკვაზე, სიმღერასა და ღვინის უძველეს, 8000 წლიან ისტორიაზე მოგვიყვება. სიუჟეტი ლასვეგასელი შოუ-რეჟისორით იწყება, რომელიც იუთუბში ჯუთას ხეობაში გადაღებულ ხევსურულ ცეკვას ნახავს, მოეწონება და გადაწყვეტს საქართველოში იმ მიზნით ჩამოსვლას, რომ ქართველი მოცეკვავეებისგან ისეთი შოუ დადგას, რომელიც შემდეგ მსოფლიოში წარმატებული გახდება. ამ დროს კი უკავშირდება ქართველ მეღვინეს. აქვე ფილმში გაცოცხლებული იქნება არქეოლოგიური გათხრების პროცესი, სადაც გადაჭრილ გორაზე აღმოჩენილია თიხის ის ნატეხები, რომელზეც ღვინის ლექები იყო, პარალელურად მოთხრობილია სიყვარულის ისტორიაც.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები
