მოქალაქეებს, რომლებიც რაჭის ტყეების გასხვისებას აპროტესტებენ, პროტესტი ისევ ეზღუდებათ

რაჭის ტყეების დასაცავად პროტესტმა თბილისში, გარემოს დაცვის სამინისტროსთან მე-6 დღეა გადმოინაცვლა. უკვე მე-6 დღეა საზოგადოება პირდაპირ ეთერში უყურებს, სახელმწიფო, პოლიციური აპარატი როგორ უზღუდავს აქციის მონაწილეებს შეკრებისა და გამოხატვის უფლებას. უფლებების შეზღუდვა შესაბამისი დასაბუთების გარეშე ხდება დემონსტრაციულად და ხორციელდება საპოლიციო აპარატის ხელით. პროტესტის მონაწილეებს არ მიეცათ საშუალება პროტესტი გამოხატონ სამინისტროს ეზოს ტერიტორიაზე, მიუხედავად იმისა, რომ კანონი შეკრებისა და მანიფესტაციების შესახებ მათ ამის უფლებას აძლევს. პროტესტის მონაწილეებს არ მიეცათ საშუალება ეზოს მიმდებარე ტერიტორიაზე გაშალონ იმგვარი კარავი, სადაც შესაძლებელი იქნება სიცივესა და წვიმაში თავის შეფარება, მიუხედავად იმისა, რომ მათ ამის უფლება კანონით აქვთ გარანტირებული. სწორედ კარვის გაშლის მცდელობას მოჰყვა საპოლიციო ძალების მხრიდან აქციის მონაწილეების დარბევა და 11 ადამიანის დაკავება პროტესტის პირველ დღეს. პროტესტის მონაწილეებს წართმეული აქვთ გათბობის უფლება, პოლიციამ მათ არ მისცა გენერატორის გამოყენების საშუალება, ბოლოს კი საპოლიციო სტრუქტურების წარმომადგენლებმა ღამით სამინისტროსთან მყოფ ადამიანებს პლედის გამოყენება აუკრძალა. პარლამენტში, ადამიანის უფლებების დაცვის კომიტეტის თავმჯდომარეს, მიხეილ სარჯველაძეს მივაკოთხეთ რათა მისგან მიგვეღო განმარტებები. გვიპოვეთ აქ: Facebook:   / mautskebeli.ge   Instagram: https://www.instagram.com/mautskebeli... Twitter:   / mautskebeli   Web: https://www.mautskebeli.ge/