უცხოური: ბიონსე და ჯეი ზი იამაიკაზე, ლედი გაგას უქმეები, ანჯელინა ჯოლის გულგრილობაში ადანაშაულებენ

* ბიონსე და ჯეი ზი ერთობლივი ტურნეს ფარგლებში პრომო-რგოლის გადაღებას განაგრძობენ. რამდენიმე დღის წინ, ისინი იამაიკის ქუჩებში მოტოციკლით სეირნობის დროს გადაიღეს. ამჟამად კი, ცნობილმა დუეტმა ჰიპების როლი მოირგეს. მკაფიო კოსტიუმებში გადაღებების დროს ისინი პაპარაცებმა დააფიქსირეს. ისინი დასვენებულები და ბედნიერები ჩანდნენ. * ამ დღეებში ლედი გაგა და მისი ბოიფრენდი, კრისტიან კარინო სეირნობის დროს დააფიქსირეს. წყვილს სტილიც ერთნაირი ჰქონდა შერჩეული და საკმაოდ ბედნიერადაც გამოიყურებოდა. შეგახსენებთ, რომ ვარსკვლავისა და მისი მენეჯერის რომანი 2017 წლის გაზაფხულზე დაიწყო. წყვილის ურთიერთობა ელვის სისწრაფით ვითარდება, ცოტა ხნის წინ ლედი გაგა ოჯახის შექმნაზეც ალაპარაკდა. * ბოლო დროს, ანჯელინა ჯოლი შვილებთან ერთად სულ უფრო ხშირად ჩნდება: როგორც ჩანს, მსახიობი საბოლოოდ დაბრუნდა ფორმაში, ბრედ პიტთან დაშორების შემდეგ. ამჯერად, ვარსკვლავი უმცროს ვაჟიშვილთან, ნოქსთან ერთად გადაიღეს. ჯოლიმ ტრადიციულ სტილს არ უღალატა და შავი ფერის მოსასხამი ჩაიცვა, ნოქსი კი, როგორც ჩანს, უფრო კომფორტულად გრძნობდა თავს თხელ მაისურში. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook - https://www.facebook.com/MusicBoxGeorgia Twitter - https://twitter.com/#!/musicboxge #MusicBox #News #სიახლეები