განსხვავება ღმერთის ნებით და ნების გარეშე ლოცვის შესრულებაში-"არა რაც მე მსურს,არამედ რაც-შენ.”

საუბარი ჩატარდა 2020 წლის 23 ივლისს. განსხვავება ღმერთის ნებით და ნების გარეშე ლოცვის შესრულებაში-"არა რაც მე მსურს,არამედ რაც-შენ”. (მარკ.14:36) მეფეების 1-ლი წიგნის თავი მე-2 1 ილოცა ხანამ და თქვა: "ხარობს ჩემი გული უფალში და მომიმაღლა რქა უფალმა; ბაგე გამეხსნა მტრების წინააღმდეგ, რადგან ვხარობ შენმიერ ხსნაში. 2 არავინაა უფალივით წმიდა; ჭეშმარიტად, არავინაა შენს გარდა; არავინ არის კლდე ჩვენი ღმერთის გარდა. 3 აღარ ილაპარაკოთ ქედმაღლურად; კვეხნა ნუ გამოვა თქვენი ბაგეებიდან, რადგან ცოდნის ღმერთია უფალი, ის განსჯის ყველა საქმეს. 4 ძლიერთა მშვილდი დაიმსხვრევა, უძლურნი კი ძალას შემოისარტყლავენ. 5 მაძღარნი პურისთვის ქირაზე დადიან, მშიერნი კი აღარ შიმშილობენ; უშვილომ შვიდი დაბადა; მრავალშვილიანი კი დაჭკნა. 6 უფალი კლავს და აცოცხლებს, საფლავში ჩაჰყავს და ამოჰყავს. 7 უფალი აღარიბებს და ამდიდრებს, ამდაბლებს და აღამაღლებს. 8 მტვრიდან აღადგენს გლახაკს, სანაგვედან წამოაყენებს მათხოვარს, რათა დასვას დიდებულთა გვერდით; და დიდების ტახტი დაუმკვიდროს მას, რადგან უფლისგანაა დედამიწის საძირკველნი, და მათზე დააფუძნა სამყარო. 9 იცავს თავის წმიდანთა ნაბიჯებს, ბოროტეულნი სიბნელეში დადუმდებიან, რადგან საკუთარი ძალით ვერ გაიმარჯვებს კაცი. 10 უფალი მოსპობს მის მოწინააღმდეგეთ, ციდან იგრგვინებს მათზე. უფალი განსჯის ქვეყნის კიდეებს, ძალას მისცემს თავის მეფეს და მოამაღლებს თავისი ცხებულის რქას!”