შვილი: ვახტანგ კახიძე - ანონსი

09.01.2023 03:01

რადიო თავისუფლება

არხი

სრული ვიდეო: • შვილი: ვახტანგ კახიძე ჯანსუღ კახიძის სახელობის მუსიკალურ ცენტრში საშობაო კონცერტების ჩატარება ტრადიციად იქცა. ეს დარბაზი მუსიკის მოყვარულებს მაშინაც კი ეპატიჟებოდა, როცა თბილისში უკუნეთი სიბნელე იდგა. იმხანად, 90-იან წლებში, მუსიკალური ცენტრის მოვლა-პატრონობაში ჯანსუღ კახიძეს მისი ვაჟი, კომპოზიტორი და დირიჟორი ვახტანგ კახიძე ეხმარებოდა. სახელოვანი მამის გარდაცვალების შემდეგ კი თავად ჩაუდგა სათავეში თბილისის სიმფონიურ ორკესტრს. მამას და შვილს ბევრი რამ განასხვავებთ, თუმცა მუსიკის მიმართ დამოკიდებულება აბსოლუტურად ერთნაირი აქვთ - დარწმუნებული არიან, რომ არ არსებობს სერიოზული და არასერიოზული მუსიკა, არსებობს მხოლოდ კარგი მუსიკა, რომელიც მსმენელს უნდა შეაყვარონ. რადიო თავისუფლების სერიის, „შვილის“, საახალწლო სიუჟეტში მოვისმენთ ვახტანგ კახიძის მოგონებებს მამაზე და ვნახავთ უნიკალურ არქივებს, რომლებშიც ჯანსუღ კახიძე სწორედ მუსიკის სიყვარულს გამოხატავს.

გაზიარება: