რომან აფაქიძის პოდკასტი / მირიან ხოსიტაშვილი - თუკი მკითხველი არ მიდის ბიბლიოთეკაში /III სეზ - I ეპ/

საქართველოს პარლამენტის ეროვნული ბიბლიოთეკაში მოეწყო სტუდია, რომლის სამომავლო გეგმებსა და მიზნებზე რომან აფაქიძის პოდკასტში ბიბლიოთეკის დირექტორის მოადგილე მირიან ხოსიტაშვილმა ისაუბრა. სტუდიის ბაზაზე ეროვნულ ბიბლიოთეკაში იგეგმება აუდიო-ბიბლიოთეკის შექმნა, რაც გულისხმობს პირველ რიგში აუდიო-წიგნების გახმოვანებას, ქართველ მეცნიერთა ლექციებისა თუ სალექციო კურსების ვიდეო გადაღებას, სხვადასხვა საგანმანათლებლო პოდკასტისა თუ გადაცემის ჩაწერას, მსოფლიოს საუკეთესო მოაზროვნეთა ვიდეო-ლექციებისა და დებატების თარგმნა-გახმოვანებას. ყოველივე ეს უნდა გახდეს კიდევ უფრო დიდი პროექტის - რადიო-ბიბლიოთეკის დაწყების საფუძველი. მიზანი ალტერნატიული, საგანმანათლებლო და მეცნიერების პოპულარიზაციისადმი მიძღვნილი კონტენტის შექმნაა, რომელიც მომხმარებელს საშუალებას მისცემს მიიღოს ინფორმაცია არა მხოლოდ მიმდინარე პროცესებზე, არამედ სიღრმისეული, მეცნიერული ცოდნა ყველა საინტერესო საკითხზე. თვალყური გვადევნეთ, უამრავი სასიამოვნო სიახლე გელოდებათ! ============================ ჩვენი გვერდი პოდკასტებისთვის - https://anchor.fm/roman-afakidze/​ საქართველოს პარლამენტის ეროვნული ბიბლიოთეკის ოფიციალური გვერდი ფეისბუქზე - https://bit.ly/2YwXB7L ეროვნული ბიბლიოთეკის ონლაინ ტელევიზიის გვერდი ფეისბუქზე -   / geolibtv   ჩვენი გვერდი ფეისბუქზე: - https://cutt.ly/FzSNWX8