დიდი 10/Didi 10 მე-9 ტურის მიმოხილვა/Round 9 Round up HIGHLIGHTS

#დიდი10 მე-9 ტურის ყველა მატჩის #მიმოხილვა #RoundUp #HIGHLIGHTS #ლოკომოტივი 17:18 #ლელოსარასენს შარშანდელი დიდი ფინალის რე'მატჩში საქართველოს 9-გზის ჩემპიონმა, ლოკომოტივმა ლელოებით 3/2 აჯობა ლელო სარასენსს, მაგრამ ამან კარში უკეთ ურტყა. ჰოდა, ბოლო სამი წლის ფალავანმა 18:17 გაიმარჯვა. #ყოჩები 20:27 #არმია შევარდენზე, ყოჩებისა და არმიის რკენაშიც იგივე მოხდა, რაც ლელო - ლოკომოტივის მატჩში – გამარჯვებულმა ნაკლები ლელო, მაგრამ მეტი გოლი გაიტანა და ჯარმა დაცვითი ბონუსის ნუგეშიღა დაანება ბოლნისს 27:20 #ბათუმი 6:6 #ჯიქი რაუნდის ჯახთა ჯახი გონიოში იყო. ლელო არ დადებულა. ბათუმი სულ ბოლო წუთამდე უგებდა უახლოეს მდევარს, ჯიქს, მაგრამ მასპინძელთა გამოუცდელმა ბექმა მეტოქეს პასზე წინ ჩაუკრა ხელი, სინბინით დაისაჯა და თამაში ფრედ 6:6 დასრულდა. #ხარები 10:5 #არმაზი სამწვრთნელო როქის შემდეგ ზედიზედ მესამედ მოიგო რუსთავმა – შინ არმაზი 10:5 ძლია, მაგრამ ჯერაც სახიფათო ზონაშია. სხვაფრივ, ხუთ მატჩში დაიდო 14 ლელო, რითაც სეზონური მაჩვენებელი ოდნავ გაიზარდა (115 ლელო / 44 თამაში = 2.61) #აია 13:0 #აკადემია ქუთაისში რაგბი ხელოვნურ საფარზე მოეწყო. მეორე ტაიმი ერთობ გაიწელა, რაკი ორივე გუნდს ლელოს დადება სურდა. აია მაინც უბონუსოდ დარჩა, მაგრამ მშრალად, 13:0 კი ძლია ელიტაში დაბრუნებული აკადემია.