ქართულ–ამერიკული სკოლა \"პროგრესისა“ და სამეცნიერო ინტელექტუალურ კლუბ „თაობათა დიალოგს“ შორის მემორანდუმი გაფორმდა. მემორამდუმი სკოლაში ახალი სასწავლო-საგანმანათლებლო პროგრამის სახელწოდებით “ბიზნეს უნარ-ჩვევები დაწყებითი კლასისათვის” დანერგვას ითვალისწინებს. ახალ საგანს I-დან VI კლასის ჩათვლით 200–ზე მეტი მოსწავლე შეისწავლის. პროგრამაში ამ ეტაპზე სკოლა „პროგრესთან“ ერთად ქუთაისის #მე–2 და 26-ე საჯარო სკოლებია ჩართული .პროგრამის მიზანი მოსწავლეებში სოციალური მეცნიერებების საბაზისო საფეხურის სტანდარტებით გათვალისწინებული უნარ-შესაძლებლობების ჩამოყალიბებაა, რაც ხელს უწყობს დასაქმებისთვის მზაობას და პროფორიენტაციის აკადემიური სტანდარტების მიღწევას.
