ოპოზოცია ვადამდელი საპრეზიდენტო არჩევნების დანიშვნას ითხოვს, პრეზიდენტი გადადგომას არ აპირებს. 2009

თბილისის ცენტრში მიმდინარე აქციების ორგანიზატორები გამოეხმაურნენ იმ რჩევას, რომელიც ევროპის საბჭოში საქართველოში განვითარებულ შიდაპოლიტიკურ პროცესებთან დაკავშირებით შეიმუშავეს: საქართველოს სტაბილურობისა და განვითარებისთვის მორიგ ვადამდელ არჩევნებს მოლაპარაკებათა მაგიდასთან მხარეთა მისხდომა და საარჩევნო პროცესის დახვეწაზე მუშაობა აჯობებს. ნინო ბურჯანაძემ თქვა, რომ ხელისუფლებასთან დიალოგის რესურსი ამოწურულია. სალომე ზურაბიშვილმა ევროსაბჭოს წარმომადგენლების რეკომენდაციები საქართველოს საშინაო საქმეებში ჩარევად შეაფასა. შეფასებები თბილისში, ევროკომისიის ოფისში, აქციების ორგანიზატორებსა და დიპლომატიური კორპუსების წარმომადგენლებს შორის გამართული შეხვედრის შემდეგ გაკეთდა. როგორც კონსერვატიული პარტიის წარმომადგენელმა კახა კუკავამ გვითხრა, დიპლომატებს მიეწოდათ ინფორმაცია აქციების მონაწილეების წინააღმდეგ განხორციელებული ძალადობის ფაქტებზე: ”გავაცანით ჩვენი შეხედულებები ყოველდღიურ თავდასხმებზე. ჩვენი ძალებით რამდენიმე ადამიანი იქნა დაკავებული, ჩვენი ძირითადი განსახილველი საკითხი იყო განხორციელდეს ზეწოლა ამ პოლიტიკური ტერორის აღსაკვეთად და შესაჩერებლად.” https://www.radiotavisupleba.ge/a/161...