საკონტრაქტო სამხედრო სამსახური

საქართველოს თავდაცვის სამინისტრო აგრძელებს 4 წლიან საკონტრაქტო სამხედრო სამსახურში 18-დან 35 წლის ჩათვლით საქართველოს მოქალაქეების მიღებას. საკონტრაქტო სამსახურში მიღებისას მოქალაქეები გაივლიან შემდეგ ეტაპებს: • რეგისტრაცია; • სამედიცინო შემოწმება; • საწყისი საბრძოლო მომზადების კურსი (BCT - 2 თვე). რეკრუტები BCT კურსის განმავლობაში მიიღებენ ანაზღაურებას თვეში 500 ლარის ოდენობით (დარიცხული). საწყისი საბრძოლო მომზადების კურსზე ჩარიცხვის დღიდან სამხედროები უზრუნველყოფილი იქნებიან კვებით, განთავსებით, ნატოს სტანდარტების უმაღლესი ხარისხის უნიფორმით, სამხედრო აღჭურვილობით, უფასო სამედიცინო მომსახურებით, სოციალური და სამართლებრივი დაცვით. რიგითის მინიმალური დარიცხული ხელფასი შეადგენს 1177 ლარს, რაც იზრდება წოდების, თანამდებობისა და სამხედრო სტაჟის გათვალისწინებით. პირველი კონტრაქტის დასრულების შემდეგ სამხედროები ერთჯერადი ბონუსის სახით მიიღებენ 5000 ლარს; მომდევნო 2-წლიანი კონტრაქტის დასრულების შემდეგ ერთჯერადი ბონუსის სახით მიიღებენ 3000 ლარს, ხოლო, 4-წლიანი კონტრაქტისას - 8000 ლარს. სამხედროებს საშუალება ექნებათ შეისწავლონ უცხო ენა, დაეუფლონ პროფესიას და კვალიფიკაცია აიმაღლონ უცხოეთში სხვადასხვა კურსებზე. სამხედროებისა და მათი ოჯახის წევრებისთვის გათვალისწინებულია სწავლის თანადაფინანსება საქართველოს ავტორიზებულ უმაღლეს სასწავლებლებში, ხოლო აკრედიტებულ საბაკალავრო და სამაგისტრო პროგრამებზე სწავლისას მაღალი აკადემიური მოსწრებისთვის სტიპენდია სემესტრულად 750 ლარის ოდენობით. რეგისტრაცია შესაძლებელია ონლაინ: onlinebct.mod.gov.ge ან ყოველდღე შაბათ-კვირის გარდა 10 საათიდან 16 საათამდე შემდეგ ლოკაციებზე: • თბილისი - ეროვნული გვარდია (გორგასლის ქ. N89); • თელავი - მე-20 კადრირებული ბრიგადა (თამარის ქ. N36); • გორი - ცხინვალის გზატკეცილი მე-2 კმ; • ბათუმი - მე-10 კადრირებული ბრიგადა (ადლიის ქ. N76 ); • ქუთაისი - ფელიქს ვარლამაშვილის ქ. N52; • სენაკი - ცერცვაძის ქ. N1; რეგისტრაცია შესაძლებელია, ასევე იუსტიციის სახლებსა და საზოგადოებრივ ცენტრებში საკონტაქტო ტელეფონები: (+995) 595 05 06 73; 032 2 79 02 00; 032 2 75 26 44. #გახდისაქართველოსჯარისკაცი 🇬🇪