პაატა გუგუშვილი

ეკონომიკური ტერმინების შექმნა ქართულად, ეკონომიკის ქართულენოვანი სახელმღვანელოები და ამ დარგის მშობლიურ ენაზე სწავლების დაწყება საქართველოში პირველ რიგში ერთი მეცნიერის - პაატა გუგუშვილის სახელს უკავშირდება; იგი 32 წლის განმავლობაში თავადვე ხელმძღვანელობდა საქართველოში ეკონომიკის პირველ სამეცნიერო კვლევით ინსტიტუტს, რომელიც დღეს სწორედ პაატა გუგუშვილის სახელს ატარებს. მეცნიერებისა და სარედაქციო საქმიანობისადმი სიყვარული პაატა გუგუშვილმა რედაქციის დაარსებით დააგვირგვინა. მისი დიდი ხნის ოცნება, აღმდგარიყო ქართული ეკონომიკური ჟურნალი, 1958 წელს თავადვე აიხდინა. აკადემიკოსმა ეკონომიკის ინსტიტუტის ბაზაზე დაარსა ჟურნალი, რომელმაც ათეული წლები მნიშვნელოვანი როლი ითამაშა საქართველოში ეკონომიკური აზრის განვითარებასა და ეკონომიკური ჟურნალისტიკის ჩამოყალიბებაში. მომზადდა განათლებისა და მეცნიერების სამინისტროს მეცნიერების პოპულარიზაციის პროგრამის ფარგლებში. #საქართველოსმეცნიერთამატიანე #მეცნიერებისკვირეული2021