დავით საგანელიძემ თბილისს ნერგები აჩუქა

„საპარტნიორო ფონდის“ აღმასრულებელმა დირექტორმა დავით საგანელიძემ თბილისის გამწვანების მიზნით, რაჭაში მდებარე საკუთარი ეზოდან უნიკალური ჯიშის 3000-ზე მეტი ფიჭვის ნერგი აჩუქა. ნერგები თბილისის ზღვაზე სასტუმრო „ჰუალინგის“ მიმდებარე ტერიტორიასა და ლისის ტბის მახლობლად, „ფრანგული კინო-სკოლის“ ფილიალის ტერიტორიაზე დაირგა. „საპარტნიორო ფონდის“ აღმასრულებელი დირექტორი უკვე მეხუთე წელია უნიკალური ჯიშის ფიჭვის ნერგებს თბილისის შემოგარენში რგავს. ამ დროისთვის სულ 15000-მდე ხეა დარგული და ტრადიცია ეტაპობრივად გაგრძელდება. „მეხუთე წელია გრძელდება ეს ტრადიცია. ჩემი ეზოდან გადმომაქვს ნერგები და ამ აქციით ვცდილობ, ჩემს შვილებთან ერთად, მცირეოდენი წვლილი შევიტანო თბილისის ეკოლოგიური მდგომარეობის გაუმჯობესებაში. ვფიქრობ, თითოეულმა ჩვენგანმა უნდა ვიზრუნოთ მწვანე საფარის შენარჩუნებაზე, რათა ჩვენც და ჩვენმა შვილებმაც ჯანსაღი, სუფთა ჰაერი ვისუნთქოთ,“ აღნიშნა „საპარტნიორო ფონდის“ აღმასრულებელმა დირექტორმა დავით საგანელიძემ. Facebook : https://www.facebook.com/PartnershipFund Twitter : https://twitter.com/GeoPartnership LinkedIN : https://www.linkedin.com/in/partnersh... Myvideo : http://www.myvideo.ge/?user_id=1726990