✔ ამღერებული ხელოსანი და საპატრიარქოს მგალობელთა გუნდი ,,ბასიანი“/ Ensemble Basiani

21.07.2017 02:16

chub1na.ge

არხი

თბილისის N123-ე საბავშვო ბაღში მიმდინარე სარემონტო სამუშაოებისას, ბაღის პერსონალმა შენიშნა, რომ ერთ-ერთი ხელოსანი მუშაობისას შესანიშნავად მღეროდა, მისი სიმღერა ჩაწერა და ინტერნეტში გაავრცელა. ● ვიდეოს დიდი გამოხმაურება მოყვა. სწორედ ამიტომ, თბილისის ბაგა-ბაღების სააგენტომ დეტალურად გამოიკვლია მოყვარული მომღერლის ისტორია და გაარკვია, რომ სამშენებლო სამუშოებზე დასაქმებული ახალგაზრდა მამაკაცი პაატა თავდგირიძეა. ის ქუთაისიდანაა, არაპროფესიონალი მომღერალია, დამოუკიდებლად ეუფლება ხალხურ სიმღერებს და ოცნებობს პროფესიონალ მომღერლებთან ერთად სიმღერაზე. ● სააგენტომ გადაწყვიტა პაატას ამ ოცნების ასრულებაში დახმარებოდა და სასიამოვნო სიურპრიზიც დაგეგმა. საბავშვო ბაღში გადამღები ჯგუფი „ბასიანთან“ ერთად მივიდა და მათი ერთობლივი სიმღერა ჩაწერა. ● ანსამბლის ბიჭებმა პაატასთან ერთად რამდენიმე სიმღერა შეასრულეს და მას „ბასიანის“ ახალი ალბომი აჩუქეს. მომღერლები შეთანხმდნენ, რომ პაატა ამ ალბომიდან სხვა სიმღერებსაც დაეუფლება და მომავალში უფრო მეტ სიმღერას შეასრულებენ ერთად. https://www.facebook.com/chub1na.ge

გაზიარება: