საქართველოს პირველ არხზე ახალი სეზონი იწყება


საქართველოს პირველი არხი ყველასთვის - 6 სექტემბრიდან ჩვენი ტელევიზია ახალ სატელევიზიო სეზონს იწყებს. წინ არაერთი სიახლე და საინტერესო პროექტია. უცვლელი სამუშაო პრინციპებითა და განახლებული ვიზუალური შეფუთვით განაგრძობს მუშაობას საინფორმაციო სამსახური - „მოამბის“ ვიზუალურ მხარეზე „ემის“ ჯილდოს მფლობელმა, ცნობილმა ამერიკელმა კრეატიულმა დირექტორმა იმუშავა.

მოახლოებული არჩევნების ფონზე, დატვირთული იქნება პოლიტიკური გადაცემების ზოლი - დღის ყველაზე მნიშვნელოვან და აქტუალურ მოვლენას ყველა მხარესთან ერთად, გადაცემა „დღის თემაში“ შევაჯამებთ, ეთერს დავუთმობთ საარჩევნო დებატებს, კვირის მთავარი მოვლენები კი არა მხოლოდ „ახალ კვირაში“, არამედ „აქტუალურ შაბათში“, სტუმრებთან ერთად გაშუქდება, რომელიც ახალი სატელევიზიო პროექტია.

საზოგადოებრივ-სოციალური, შემეცნებითი და მუსიკალური გადაცემები, საავტორო პროექტები, ახალი მეგაშოუები, სერიალები, დოკუმენტური ჩანახატები, სიახლეები „ახალ დღეში“ და „დღის კოდში“ - მომავალი სეზონიდან მაყურებელს განახლებული და მრავალფეროვანი საეთერო ბადე ელის. ერთ-ერთი მთავარი სიახლე კი მაღალრეიტინგული საერთაშორისო სატელევიზიო პროექტის ქართული ანალოგი - „შარკ თენ საქართველოა“.

ეწვიეთ ჩვენს საიტს - https://1tv.ge/\r
მოიწონეთ ჩვენი გვერდი - https://bit.ly/2WZv1qY\r
გამოიწერეთ ჩვენი არხი -    / georgianpb  \r
ვიდეო წარმოადგენს საზოგადოებრივი მაუწყებლის საკუთრებას.\r
მისი გავრცელება შეგიძლიათ მხოლოდ ბმულის გაზიარებით.\r
დაუშვებელია მასალის ჩამოტვირთვა და სხვაგან ატვირთვა,\r
ამ შემთხვევაში მაუწყებელი უფლებას იტოვებს მიმართოს შესაბამის ზომებს.

ვიდეოები „პირველი არხი Georgian Public Broadcaster"-ისგან