COSAC - Maka Botchorishvili's speech/მაკა ბოჭორიშვილის სიტყვით გამოსვლა ევროპასთან ინტეგრაციაზე

პრაღაში მიმდინარე ევროკავშირის ეროვნული პარლამენტების ევროპულ საქმეთა კომიტეტების კონფერენციის (COSAC) პლენარულ სესიაზე გამოსვლისას, საქართველოს პარლამენტის ევროპასთან ინტეგრაციის კომიტეტის თავმჯდომარემ - მაკა ბოჭორიშვილმა ისაუბრა საქართველოს ევროპული პერსპექტივის მინიჭების მნიშვნელობაზე: - ევროკავშირმა, ივნისში, მიიღო ისტორიული გადაწყვეტილება უკრაინის, მოლდოვასა და საქართველოსთვის ევროკავშირის წევრობის პერსპექტივის აღიარების თაობაზე. ამ გადაწყვეტილებამ შექმნა მყარი საფუძველი ჩვენი ევროპული მისწრაფებების განსახორციელებლად, რომელსაც მხარს უჭერს ჩვენი მოსახლეობის დიდი უმრავლესობა. - ევროპასთან ინტეგრაციის კომიტეტის თავმჯდომარემ ევროკავშირთან ასოცირების შეთანხმების ხელმოწერის შემდეგ საქართველოს მიერ მიღწეული პროგრესის შესახებ ისაუბრა და ევროპის უსაფრთხოების უზრუნველყოფის საკითხში საქართველოს როლზე გაამახვილა ყურადღება: „კარგად ვაცნობიერებთ, რომ მხოლოდ რეფორმების გზით შეიძლება ჩვენი ქვეყნის ტრანსფორმაცია და ევროკავშირთან თავსებადობის მიღწევა. პროგრესი, რომელსაც ჩვენ მივაღწიეთ, ხელშესახები და უდავოა. საქართველომ დაამტკიცა, რომ ევროკავშირის საიმედო პარტნიორია. მას აქვს პოტენციალი ევროკავშირისთვის გახსნას ახალი გეოპოლიტიკური შესაძლებლობები და ხელი შეუწყოს ევროპულ უსაფრთხოებასა და კეთილდღეობას. 15 /11/2022 Prague, Czech Republic #euintegration #geoparliament #ევროპისკენ