გლობალური მეწარმეობის კვირეული ილიაუნიში

ილიას სახელმწიფო უნივერსიტეტი წელს პირველად შეუერთდება გლობალური მეწარმეობის ქსელის (GEN) ინიციატივას და მონაწილეობას მიიღებს გლობალური მეწარმეობის კვირეულში, რომელიც მთელი მსოფლიოს მასშტაბით აღინიშნება. კვირეულის ფარგლებში, 14-20 ნოემბერს, ილიას სახელმწიფო უნივერსიტეტი ორგანიზებას გაუწევს აქტივობებს, სემინარებს, საჯარო ლექციებსა და კონკურსებს. კვირეულის ფარგლებში, ილიას სახელმწიფო უნივერსიტეტსა და Forbes Georgia-ს შორის გაფორმდება ურთიერთთანამშრომლობის მემორანდუმი. თანამშრომლობა გულისხმობს ილიაუნის ფორბსის კლუბის შექმნას, რომელიც ყოველკვირეულად უმასპინძლებს საინტერესო სპიკერებს; დასაქმების შესაძლებლობას ილიაუნის სტუდენტებისთვის; ილიაუნის მკვლევარებისა და პროფესორობის თანამშრომლობას Forbes Georgia-სთან. კვირეულის ფარგლებში დაგეგმილი ღონისძიებების შესახებ საქმიანი დილა- ს ეთერში საუბრობენ ილიას სახელმწიფო უნივერსიტეტის რექტორის მოადგილე ნინო დვალიძე, ილიაუნის სამრეწველო ინოვაციების ლაბორატორიის ( Fablab Iliauni ) მენეჯერი სანდრო კანდელაკი და კომპანია ბილაინი - Beeline-ის საზოგადოებასთან ურთიერთობის სამსახურის უფროსი ნათია ღლონტი. #GEWILIAUNI გლობალური მეწარმეობის კვირეული ილიას სახელმწიფო უნივერსიტეტში