ნაზარლების ნაქალაქარის შესახებ - About Nazarlebi old city

შირაქის ველზე უძველესი ნასახლარების მთელი კომპლექსი აღმოაჩინეს. დიდნაურიდან 7 კმ-შია ნაზარლების ნაქალაქარი, სადაც იკითხება ციტადელის ორმაგი გალავანი, ხოლო მის ფერდობზე უამრავი ნასახლარი და სამაროვანია. "მოგზაურთა კლუბი - აია"-ს ექსპედიცია შირაქის ველზე და საინტერესო სიუჟეტი ნაზარლების შესახებ. * * * * * ურარტუს ძლევამოსილმა არმიამ წინა აზიის დიდი ნაწილი დაიპყრო, მაგრამ სამხრეთ კავკასიაში მხოლოდ მის განაპირა რეგიონამდე მოაღწია. უფრო ღრმად მათი კვალი არ არის დაფიქსირებული. გამოითქვა ვარაუდი, რომ კავკასიაში ურარტუს წინ აღუდგა რაღაც მძლავრი პოლიტიკური გაერთიანება, რომელმაც ამ დიდი პოტენციალის სამხედრო ძალის წინსვლა შეაჩერა. აქამდე ისტორიულ არქეოლოგიური მასალების საფუძველზე თითქოს არ იყო ცნობილი ამგვარი გაერთიანების არსებობა სამხრეთ კავკასიაში. მხოლოდ ბოლო წლებში, ივრის ზეგანზე აღმოჩნდა წინაურარტუს პერიოდის პროტოქალაქური დასახლებების მთელი კომპლექსი, რომელსაც შეეძლო შეესრულებინა ეს უდიდესი მისია. იკითხება კარგად დაგეგმარებული, მძლავრი ციტადელებითა და გამაგრებული საცხოვრებელი კვარტლებით. ეს საზოგადოება აღჭურვილი იყო მაღალი ხარისხის ბრინჯაოს საბრძოლო იარაღით, ჰყავდათ ცხენოსანი არმია და ჰქონდათ სამხედრო ტექნიკა საბრძოლო ეტლების სახით. ყოველივე ამის საფუძველზე ძვ.წ. 13-11 სს-ში შირაქის ველზე სავარაუდოდ არსებობდა დღეისთვის ჯერ კიდევ უცნობი მძლავრი პოლიტიკური გაერთიანება.... ჯერ-ჯერობით უცნობია, თუ რა ერქვა ამ მეგაპოლისს თუ სახელმწიფოს... საქართველოს მიწა ჯერ კიდევ ბევრ საიდუმლოს ინახავს...." ნაზარლების გათხრების შესახებ იხ. http://www.caucasology.com/view_amira...