ქვეყანაში დანაშაულის რაოდენობა და მცდარი სტატისტიკური ინფორმაცია - ,,ლელო საქართველოსთვის" ბრიფინგი

2 მაისს პოლიტიკური გაერთიანება ,,ლელო საქართველოსთვის" ლიდერებმა საბა ბუაძემ და გრიგოლ გეგელიამ ბრიფინგი გამართეს ქვეყანაში დანაშაულის რაოდენობისა და მცდარი სტატისტიკური ინფორმაციის შესახებ. ბრიფინგზე პარტიის ლიდერებმა განაცხადეს, რომ შინაგან საქმეთა სამინისტრო უარს ამბობს რეგისტრირებული დანაშაულის სტატისტიკის გასაჯაროებაზე, რითაც კიდევ ერთხელ ცდილობს, დამალოს ქვეყანაში რეალურად არსებული კრიმინოგენური ვითარება. „ლელო საქართველოსთვის“ ლიდერების განცხადებით, შსს სამი თვეა, საკუთარ ვებგვერდზეც აღარ აქვეყნებს რეგისტრირებული დანაშაულის შესახებ ინფორმაციას და ცდილობს, „ლელოს“ მიერ გაგზავნილი საჯარო ინფორმაციის მოთხოვნიდან ტექნიკური მიზეზებით დაიძვრინოს თავი. „ლელო“ მოუწოდებს შინაგან საქმეთა სამინისტროს, სრულყოფილად უპასუხოს გაგზავნილ საჯარო ინფორმაციის მოთხოვნას და გამოაქვეყნოს სამი თვით დაგვიანებული დანაშაულის სტატისტიკა, რათა საზოგადოებამ შეაფასოს ვითარების სირთულე და შეიმუშაოს კონკრეტული ნაბიჯები, რომელიც შეცვლის ქვეყანაში შექმნილ რთულ კრიმინოგენურ ვითარებას. #ლელო #Lelo #ლელოსაქართველოსთვის #Leloforgeorgia #საბაბუაძე #გრიგოლეგეგელია