მამუკა ხაზარაძის ბრალდება საქართველოს პირველ არხს

მამუკა ხაზარაძის ბრალდების სამიზნე საქართველოს პირველი არხი ხდება. პოლიტიკაში წასული ბიზნესმენის უკმაყოფილება მის მიერ დაფუძნებული საზოგადოებრივი მოძრაობის 12 წევრზე გავრცელებულმა ინფორმაციამ გამოიწვია, რომელიც პრეზენტაციამდე რამდენიმე საათით ადრე ჩვენს ვებგვერდზე გამოქვეყნდა. „ლელოს“ დამფუძნებელი ამტკიცებს, რომ საქართველოს პირველმა არხმა ინფორმაცია „ლელოს“ კომპიუტერიდან მოიპოვა. მოცემულობა და ფაქტი, რომ მსგავსი ტიპის მონაცემების მოპოვება ჟურნალისტური წყაროებით ხდება, ახლად შექმნილი მოძრაობის ლიდერებისთვის არადამაჯერებელია. ცალკე თემაა, რომ „ლელოს“ სავარაუდო წევრებზე ინფორმაცია ბოლო დღეებში სოციალურ ქსელში აქტიურად ვრცელდებოდა. მეტიც, დღეს „თიბისის“ დამფუძნებლებმა მოგვიწოდეს, რომ მხოლოდ ოფიციალური არხებით მოვიპოვოთ ინფორმაცია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.