„ევროპული საქართველო“ vs „თავისუფალი დემოკრატყები“ და საერთო კანდიდატი

(ახალი ამბები 20.03.2019) „ევროპულმა საქართველომ“ და „თავისუფალმა დემოკრატებმა“ ბლოკი შექმნეს და მთაწმინდის მაჟორიტარულ ოლქში დეპუტატობის საერთო კანდიდატად შალვა შავგულიძე წარადგინეს. განცხადება პარტიის ლიდერებმა საგანგებო ბრიფინგზე გააკეთეს. როგორც შალვა შავგულიძე ამბობს, ორმა პარტიამ პოლიტიკურ ანგარიშსწორებაზე უარი თქვა და მათი მიზანი დღეს ავტორიტარული მმართველობის დასრულებაა. განცხადება გააკეთა გიგი უგულავამაც, რომელიც ამბობს, რომ შავგულიძის შუალედურ არჩევნებში გამარჯვება „ქართული ოცნების“ -ხელისუფლებიდან წასვლის დასაწყისი იქნება. მთაწმინდის მაჟორიტარულ ოლქში შუალედური არჩევნები 19 მაისს გაიმართება. ცენტრალური საარჩევნო კომისიის ცნობით, არჩევნები 31 საარჩევნო უბანზე გაიმართება, სადაც სულ 43 868 ამომრჩეველია რეგისტრირებული. შუალედური არჩევნების დანიშვნის მიზეზი სალომე ზურაბიშვილის გაპრეზიდენტებაა, რომელიც მეცხრე მოწვევის პარლამენტში მთაწმინდის ოლქის დამოუკიდებელი მაჟორიტარი დეპუტატი იყო. ამ ეტაპზე უცნობია, თუ ვის კანდიდატურას წარუდგენს მთაწმინდის ამომრჩეველს „ქართული ოცნება“. დაუდასტურებელი ინფორმაციით, ის შეიძლება ცნობილი ექიმი და საკრებულოს ყოფილი თავმჯდომარე ლადო კახაძე იყოს. ოფიციალურად კანდიდატურა ჯერ არ დაუსახელებია არც „ნაციონალურ მოძრაობას“. ცნობილია, რომ პარტია „გირჩი“ მთაწმინდის მაჟორიტარი დეპუტატობის კანდიდატად ჰერმან საბოს წამოაყენებს. შუალედურ არჩევენებში მონაწილეობას გეგმავს ისტორიკოსი გრიგოლ გეგელია, ასევე ყოფილი დეპუტატი კობა დავითაშვილი. არჩვნებში მონაწილეობას არ გამორიცხავს იუსტიციის უმაღლესი საბჭოს არამოსამართლე წევრი ანა დოლიძეც. გამოიწერეთ ჩვენი არხი და იყავით აქტუალური მოვლენების ეპიცენტრში: https://goo.gl/anfTFi