"დარწმუნებული ვარ რომ კლუბი იქნება სანდო კეთილსინდისიერი პარტნიორის ხელში"-"ტორპედო" გაიყიდა

02.09.2021 01:28

Mega TV - ტელეკომპანია მეგა

არხი

📌 გამოგვყევით Youtube-ზე http://bit.ly/M3GAtv 👈 ნიუ ვიჟენ უნივერსიტეტმა შპს „საფეხბურთო კლუბი ტორპედო ქუთაისის“ გასასხვისებლად გამოცხადებულ აუქციონში გაიმარჯვა და კლუბის 100%-იანი წილის მფლობელი გახდა. ქუთაისის “ტორპედო” აუქციონზე გაიყიდა. კლუბი 577 017 ლარად გასხვისდა. ადგილობრივი თვითმმართველობა ინვესტორს 12 მოთხოვნას უყენებს. მთავარი პირობა კლუბის დავალიანების გასტუმრებაა, რომელიც მერიის ინფორმაციით, 2 470 000 ლარია. ახალმა მფლობელმა თანხა ორ ეტაპად, წლის ბოლომდე უნდა გადაიხადოს. ქუთაისის მერიამ “ტორპედო” აუქციონზე მეორედ გამოიტანა. პირველ შემთხვევაში კლუბის შეძენით არავინ დაინტერესდა. “ტორპედო” აუქციონზე პირველად 2017 წელს გაიყიდა. მაშინ კლუბი 300 000 ლარად გასხვისდა, თუმცა, ზაალ ჩაჩავამ ვალდებულებები ვერ შეასრულა და კლუბი დატოვა. ამის შემდეგ “ტორპედოთი” იტალიელ ინვესტორთა ჯგუფი დაინტერესდა, რომლებმაც ასევე, არ შეასრულეს ქუთაისის მერიის წინაშე აღებული ფინანსური ვალდებულებები.

გაზიარება: