ცხოვრება შეიძლება კიდევ უფრო გართულდეს - დამალის მოსახლეობა

დამალა ასპინძიდან 3 კმ-ის დაშორებით მდებარეობს. მისი ძველი ქართული სახელწოდებაა ტამალა, ტამალია. თანამედროვე დამალა დაარსებულია 1829 წელს ერზრუმის პროვინციიდან გადმოსახლებული სომხების მიერ. დამალაში ძირითადად, იმ ფულით ცხოვრობენ, რომელსაც ემიგრანტები ოჯახებს რუსეთიდან უგზავნიან. არაიკ ქერაპიანი მაღაზიას ამუშავებს. ამბობს, რომ დამალაში მიგრაცია მაღალია, რადგან სოფლის მეურნეობა ,,არც ისე კარგად არის განვითარებული“. მაღალმთიან დასახლებათა ნუსხაში შესულ სოფელს მიწა ბევრი აქვს, მაგრამ არასაკმარისი სარწყავი წყლის გამო, ნაკვეთები დაუმუშავებელია. გაძვირებული პურ-პროდუქტები, საქართველოში თუ მეზობელ ქვეყნებში შექმნილი არასტაბილური ვითარება დამალელებს აფიქრებინებს, რომ ,,ცხოვრება შეიძლება კიდევ უფრო გართულდეს“. განსაკუთრებით, ომის დაწყება აშინებთ. ამბობენ, რომ „ომი როდის დაიწყო ზუსტად არ იციან“, სამაგიეროდ იციან ის, რომ საქართველოს მთავრობა ,,კარგად იქცევა და რუსებთან კარგია“.

მსგავსი ვიდეოები