კომუნიკატორი - წიგნის ყდის დიზაინი / საფეხბურთო ისტორიები / აქტუალური ინტერნეტ-სიახლეები

► \"ეგვიპტის ავიახაზების\" თვითმფრინავის ე.წ. შავი ყუთის მონაცემებზე დაყრდნობით, გამოძიებამ დაასკვნა, რომ ალექსანდრიასთან მიახლოვებისას, ხმელთაშუა ზღვის თავზე, ავიალაინერს კუდის ნაწილში მოთავსებულ საპირფარეშოსთან ხანძარი გაუჩნდა. ჯერჯერობით დაუზუსტებელია, რამ გამოიწვია ხანძარი დაღუპული ავიალაინერის ბორტზე;
► დრონით გადაღებული მასალა ბაღდადის რაიონიდან, სადაც რამდენიმე დღის წინ, რამადანის დასასრულისას, ე.წ. ისლამურმა სახელმწიფომ მასიური ტერაქტი განახორციელა. ბოლო მონაცემებით, ტერაქტის მსხვერპლის რაოდენობა 250 ადამიანამდე გაიზარდა;
► ბოსტონელმა ტაქსისტმა პოლიციაში ჩააბარა თავის მანქანაში მგზავრის დატოვებული ჩანთა, რომელშიც 187 ათასი დოლარი ინახებოდა. ფული უსახლკარო ადამიანს ეკუთვნოდა, რომელმაც აღნიშნული თანხა მემკვიდრეობით მიიღო;
► ნოეს კიდობანის რეალური ზომის მოდელი კენტუკის შტატში. კიდობანი ერთ-ერთმა ქრისტიანულმა სათვისტომომ ააგო;
► ლიბერიაში ხანგრძლივმა წვიმებმა გზების პარალიზება გამოიწვია - გადაიკეტა ქვეყნის დედაქალაქ მონროვიაში მდებარე მთავარ აეროპორტთან მისასვლელი გზაც და მგზავრებს მარშრუტის ნაწილის გადალახვა კანოეების დახმარებით უწევდათ;
► შვიდწლიანი მუხლჩაუხრელი შრომის შემდეგ, ერთ-ერთმა ჩინელმა ფერმერმა ჰებეის პროვინციიდან წარმატებით შეძლო თავისი აწყობილი ვერტმფრენის ფრენაში გამოცდა. ვერტმფრენის კონსტრუქტორს არ გააჩნდა განათლება ან სხვა გამოცდილება საავიაციო საქმეში, თუმცა ამის მიუხედავად, მისი ვერტმფრენი ჰაერში თავს მაინც მშვენივრად გრძნობდა;
►ყდის დიზაინის მნიშვნელობა - ანი ვაშაგაშვილის სიუჟეტი;
►სილამაზე, შინაარსი თუ კონცეფცია - რა სირთულეებთან არის დაკავშირებული ყდის დიზაინის შექმნა - სტუმარი: მაია აბაშიძე - გრაფიკული დიზაინერი, ილუსტრატორი;
►ქართული მუსიკა - ანსამბლი „თეატრონი“ - მოშრიალდა ანგელოზი;
►ფესტივალი Summer Set - სტუმრები: ნიკა დვალიძე - ფესტივალ Tbilisi Summer Set-ის პიარ მენეჯერი; მირანდა ესაკია - ფესტივალ Summer Set-ის დამფუძნებელი;
►უბანი, ბავშვობა, საძოვარი და დიდი ბიზნესი - ალექსანდრე ბაგრატიონ-დავითაშვილი;
►აქცია #nbavotezazapachulia-ს „დაგვიანებული“ შედეგი - ქართველი კალათბურთელის ახალი კონტრაქტი - ირაკლი აბაშიძე - სპორტული ჟურნალისტი, სტუდენტი;
► Indignation - ახალი დრამა ანტისემიტური განწყობების შესახებ;
► ჯონ ბონემი ყველა დროის საუკეთესო დრამერად აღიარეს;
► PJ Harvey-ს საუკეთესო ალბომები;
►ბობ დილანის 75 წლის იუბილე.