შინაგან საქმეთა სამინისტრომ იმერეთში ყაჩაღობის ფაქტი აღკვეთა

შინაგან საქმეთა სამინისტროს იმერეთის რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა ჩატარებული ოპერატიულ საგამოძიებო ღონისძიებების შედეგად ყაჩაღობის მომზადების ბრალდებით სამი პირი: 1977 წელს დაბადებული ნ.ხ, 1984 წელს დაბადებული ბ.ა. და 1985 წელს დაბადებული ვ.შ. დააკავეს. ჩადენილი დანაშაული 6-დან 9 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ ბრალდებულებმა, ფულისა და ძვირფასეულობის მართლსაწინააღმდეგო მისაკუთრების მიზნით, ქუთაისში ერთ-ერთ პირზე ყაჩაღურ თავდასხმას გეგმავდნენ, მაგრამ სამართალდამცველების ოპერატიული რეაგირების შედეგად, განზრახვა ვერ განახორციელეს. ბრალდებულების პირადი და ავტომობილის ჩხრეკისას ამოღებულია: ნიღბები, გადაჭრილი თოფი ე.წ "აბრეზი", ავტომატური ცეცხლსასროლი იარაღი, მჭიდი და სხვადასხვა ტიპის ცეცხლსასროლი იარაღის ვაზნები. გამოძიება ყაჩაღობის მომზადების ფაქტზე მიმდინარეობს (საქართველოს სსკ-ს 18-179-ე მუხლის მეორე ნაწილით და 236-ე მუხლის მეორე და მესამე ნაწილებით). Facebook : https://www.facebook.com/miaofgeo Twitter : https://twitter.com/MIAofGeorgia Myvideo : http://www.myvideo.ge/?user_id=1560804