საქართველოს პრეზიდენტმა მედიის წარმომადგენლების შეკითხვებს უპასუხა

მიხეილ სააკაშვილი :„ეს სასახლე არ არის სააკაშვილის, მე როგორ სახლშიც ვცხოვრობდი რევოლუციამდე, ახლაც ისეთივე სახლში ვბრუნდები . ეს სასახლე ქართველ ხალხს ეკუთვნის. ის აშენდა, როგორც საპრეზიდენტო სასახლე. ამ სასახლეს უკავშირდება ის, რომ ომის დროს აქ ჩამოვიდნენ მსოფლიოს უმნიშვნელოვანესი ლიდერები, თუნდაც ამიტომ არ შეიძლება ამის ფუნქციის შეცვლა. აქ იყო მთელი ევროპა, რომელიც ჩვენს გადასარჩენად ჩამოვიდა. აქ შედგა ისტორიული მნიშვნელობის მქონე აქტები, ხელი მოეწერა დოკუმენტებს და გაიმართა მოლაპარაკებები საქართველოს ევროპული მომავლისთვის." საქართველოს პრეზიდენტმა დღეს მედიის შეკითხვებს უპასუხა. მიხეილ სააკაშვილმა კიდევ ერთხელ განმარტა პრეზიდენტის სასახლის, როგორც სახელმწიფო ინსიტიტუტის მნიშვნელობა. მან ასევე ისაუბრა, თუ რა ღირსებებისა და დამსახურებისთვის მიანიჭა რევაზ ჭარბაძეს ვახტანგ გორგასლის 1 ხარისხის ორდენი. მანვე ვილნიუსის საიმიტთან დაკავშირებულ გეგმებზეც ისაუბრა: „ ვილნიუსის სამიტზე სავარაუდოდ ახალი პრეზიდენტი გამეგზავრება, ეს ნამდვილად არ იქნება ჩემი ფუნქცია." ქვეყნის პირველმა პირმა კომენტარი ეკონომიკური მაჩვენებლების ვარდნის შესახებაც გააკეთა და აღნიშნა, რომ ის დღემდე მოუწოდებს ინვესტორებს, ჩადონ საქართველოში ფული, რადგან ეს პირველ რიგში ხალხის კეთილდღეობაზე აისახება. პრეზიდენტი დარწმუნებულია, რომ ეკონომიკური 6 პროცენტიანი ვარდნა დროებითი მოვლენაა". Visit Website: http://president.gov.ge Visit Facebook: http://www.facebook.com/saakashvilimi... Visit Twitter: http://www.twitter.com/SaakashviliM ---------------------------------------------------------------------------------------- Visit Website: http://president.gov.ge Visit Facebook: http://www.facebook.com/saakashvilimi... Visit Twitter: http://www.twitter.com/SaakashviliM ----------------------------------------------------------------------------------------