ქუთაისში საცურაო აუზის მშენებლობაზე პროცესი განახლდა

12.05.2019 00:54

Business Media Georgia

არხი

ქუთაისში ოლიმპიური აუზის პროექტირების საკითხთან დაკავშირებით მუნიციპალური განვითარების ფონდმა ინტერესთა გამოხატვა გამოაცხადა. საკონსულტაციო მომსახურება საპროექტო-სახარჯთაღრიცხვო დოკუმენტაციის მომზადებას ითვალისწინებს. მრავალფუნქციური საცურაო კომპლექსის მშენებლობისთვის საჭირო დეტალური საპროექტო-სახარჯთაღრიცხვო დოკუმენტაციის მოსამზადებლად მთავრობამ თანხა 30 აპრილის (#997) განკარგულებით გამოყო. დოკუმენტის მიხედვით, აუზის პროექტირება საერთაშორისო სტანდარტების მიხედვით უნდა მოხდეს. საცურაო აუზის სიგრძე 50 მეტრი, ხოლო სიგანე 25 მეტრი უნდა იყოს. პროექტი უნდა ითვალისწინებდეს გასახდელების და საშხაპეების მოწყობას აუზის მომხმარებლების, მსაჯებისა და მწვრთნელებისთვის. ასევე, უნდა მოეწყოს სპორტსმენთა ფიზიკური მდგომარეობის აღდგენისა და ტრავმების სარეაბილიტაციო დანიშნულების სივრცეები. საცურაო აუზის მშენებლობა ქუთაისში იუსტიციის სახლის მიმდებარე ტერიტორიაზე, აბაშიძის ქუჩაზე იგეგმება. ფონდმა ტენდერი ერთხელ უკვე გამოაცხადა, თუმცა უშედეგოდ.

გაზიარება: