meseli çkimi-მესელე ჩქიმი-kendi masalım-nurdoğan abaşişi lazca şiir

meseli çkimi iniz, inuvaz, ar ini oraz, enaş çkimi na cant'u do na nocant'u memsofas, lazonas, mopti kianaşa m3udela kianaşi oç'k'endaşa. kiana, didi kiana, m3udi, m3udela kiana, kianas doxmeli lazona, ili mpalu , mot momalu, "p'it'li gexra3keri, isa xra3keri sap'ari, ar muntxa t'i enaş memsofas lazonas "dogoini"-ya nanak. ha3'i gonç'imeri, sumeneçi 3'aneri, gebaderi ar k'oçi. omç'k'omu 3'ana do 3'anak berobaşi, sterobaşi u3ebi,opotrace ar biç'i otxo bereşi enni mç'ipe, enni ç'ep'iç'i. babak e3'emikaçuis, gurp'icis momikaçuis, "dido sap'ari ren oxorca, p'ot'e k'oçi var iven, e xoloti bere ren do arti biç'i ren" muvak'adi tku do nanaşku biç'is, kodomdudoren. om3'elik moğerdu baba, sumeneçi 3'ana hekole kodobut'ali dobada nana! umeşkvinu tutuni p'istum arti. jurneçi , 3'ana, nana! kobz'iri palaskaşi k'ayişiti, eçidoşkit mayisiti. tasi but'k'oçi dixas, vit'oşkit çxalva ti kodobut'ali melen 3ixas, korbas na makten lu do tani, şurimşine lazona doxmeli skani. ma var bgorum cennet'i xani kobore,haşo t'ani mcveşi,kuni ağani, kocemoz'in abaşişi doğani. Nurdoğan abaşişi 18. 05. 2004 მესელი ჩქიმი ინიზ, ინუვაზ, არ ინი ორაზ, ენაშ ჩქიმი ნა ჯანტუ დო ნა ნოჯანტუ მემსოჶას, ლაზონას, მოფთი ქიანაშა მცუდელა ქიანაში ოჭკენდაშა. ქიანა, დიდი ქიანა, მცუდი, მცუდელა ქიანა, ქიანას დოხმელი ლაზონა, ილი მფალუ , მოთ მომალუ, "პიტლი გეხრაცქერი, ისა ხრაცქერი საპარი, არ მუნთხა ტი ენაშ მემსოჶას ლაზონას "დოგოინი"-ჲა ნანაქ. ჰაწი გონჭიმერი, სუმენეჩი წანერი, გებადერი არ კოჩი. ომჭკომუ წანა დო წანაქ ბერობაში, სთერობაში უცები,ოფოთრაჯე არ ბიჭი ოთხო ბერეში ენნი მჭიფე, ენნი ჭეპიჭი. ბაბაქ ეწემიქაჩუის, გურპიჯის მომიქაჩუის, "დიდო საპარი რენ ოხორჯა, პოტე კოჩი ვარ ივენ, ე ხოლოთი ბერე რენ დო ართი ბიჭი რენ" მუვაკადი თქუ დო ნანაშქუ ბიჭის, ქოდომდუდორენ. ომწელიქ მოღერდუ ბაბა, სუმენეჩი წანა ჰექოლე ქოდობუტალი დობადა ნანა! უმეშქვინუ თუთუნი პისთუმ ართი. ჟურნეჩი , წანა, ნანა! ქობძირი ფალასქაში კაჲიშითი, ეჩიდოშქით მაჲისითი. თასი ბუტკოჩი დიხას, ვიტოშქით ჩხალვა თი ქოდობუტალი მელენ ციხას, ქორბას ნა მაქთენ ლუ დო თანი, შურიმშინე ლაზონა დოხმელი სქანი. მა ვარ ბგორუმ ჯენნეტი ხანი ქობორე,ჰაშო ტანი მჯვეში,ქუნი აღანი, ქოჯემოძინ აბაშიში დოღანი. Nurdoğan abaşişi 18. 05. 2004 !!!!!!** Facebook sayfamız**!!!!!!   / lazdanadam.lazdanadam