New Schooler - 6.11.2012

New Schooler - 6.11.2012 Official Site - http://www.musicbox.ge/ Facebook - https://www.facebook.com/pages/MusicB... Twitter - https://twitter.com/#!/musicboxge ეს ის დროა ქართულ ფეხბურთზე დარდს ცოტა ხნით მაინც შეეშვათ და ავტოსპორტის აღმოვლობით გაიხაროთ. რუსთავის ავტოდრომი უკვე კარგა ხანია ამ სახეობით დაკავებულებსა და მის მოყვარულებს მასპინძლობს - გასულ კვირას სწორედ აქ შვიდი ეტაპისაგან შემდგარი ჩემპიონატის ფინალი გაიმართა. ფორმულა ალფას, ლეჯენდსისა და მონოკლასის პროფესიონალმა მრბოლელებმა ჩემპიონატის ნადმვილი ღირსეული დასასრული გვიჩვენეს - მართალია ლიდერი პოზიციები მოწვეულ სტუმრებს ერგოთ მაგრამ - გვაცადეთ ჯერ, საქართველოში სპორტის სხვა რამდენიმე სახეობისა არ იყოს, არც ავტორბოლაა მთლად მწვერვალებზე. ფორმულა ალფაში რუსმა სტუმარმა, ვიქტორ შაიტარმა მოახერხა პირველი ადგილის დაკავება, მან გამოცდილი ქართველი მრბოლელი მევლუდ მელაძე და ირაკლი ჩხეიძე უკან ჩამოიტოვა. ლეჯენდსის კლასის შეჯიბრება ყველაზე შთამბეჭდავი და ემოციური გამოდგა. საერთო ჯამში კი ჩვენებური მონაწილეები დაჩაგრულთა პოზიციაში ნამდვილად არ აღმოჩენილან, ასე რომ, ქართველ გულშემატკივარს ავტოდრომის დატოვება თავდახრილს სულაც არ მოუწია. 7 ტურიანი თავბრუდამხვევი რბოლებისა და რუსთავის ავტოდრომზე გატარებული ადრენალინით გაჯერებული კვირა დღეების შემდეგ სეზონი დაიხურა. ქართველმა სპორტსმენებმა უკვე საგაზაფხულო შერკინებებისთვის მზადება დაიწყეს, რომელიც, იმედი და დიდი ეჭვი გვაქვს, რომ ჩვენებური სპორტსმენებისათვის ბევრად მეტი წარმატებით დასრულდება.