ანა ნაცვლიშვილი პირდაპირ ეთერში ,,ქრონიკის'' შეკითხვებს პასუხობს
06/29/2015
,,პრემიერის გაცხადებას აქვს ძალიან მნიშვნელოვანი კონტექსტი, როდესაც პრემიერ-მინისტრი საუბრობს ოჯახის ინსტიტუტზე და ოჯახის ინსტიტუტთან მიმართებაში აკეთებს სახელმწიფო პოლიტიკის დეკლარირებას, რაზე უნდა ამახვილებდეს ის ყურადღებას და რა უქმნის ოჯახს რეალურ და არა გამოგონილ საფრთხეს. ოჯახის სიმტკიცეს, სიმყარეს და ოჯახს როგორც ღირებულებას და ადამიანს როგორც ღირებულებას რა უქმნის საქართელოში საფრთხეს? გეი ქორწინება, რომელზეც საუბარი არც ყოფილა თუ ოჯახში ძალადობის ძალიან მაღალი მაჩვენებელი, როდესაც ჩვენ ვსაუბრობთ მოკლულ ქალებზე მათი ქმრების თუ ყოფილი ქმრების მხრიდან, როდესაც ჩვენ ვსაუბრობთ არასრულწვლოვანთა ქორწინებაზე, რომელიც ძალიან სერიოზული პრობლემაა და ამასთან მიმართბეაში სახელმწიფოს არანაირი ხედვა და სტრატეგია არ გააჩნია და ეს გოგონები, რომლებსაც, არ ვაჭარბებ, ძროხებზე ყიდიან მათი მშობლები, ძალიან დიდი ალბათობით შემდეგ უკვე ოჯახში ძალადობის მსხვერპლნი არიან და ჩაკეტილ წრეში რჩებიან მთელი ცხოვრების განმავლობაში. რა უქმნის ოჯახს საფრთხეს სიღარიბე, ბავშთა სიკვდილიანობა, დედათა სიკვდილიანობა, რომლის პრევენციაც აბსოლუტურად შესაძლებელია თანამედროვე სამედიცინო სტანდარტების გათალისწინებით, მაგრამ ჩვენთან ეს სტანდარტები არ არის... აი ეს უქმნის ოჯახს საფრთხეს და არა ის გამოგონილი თემები, შექმნილი საფრთხეები, როგორიც არის მაგალითად გეიქორწინება. ამიტომ პრემიერი, რომელიც მთავრობის მეთაურია და მაღალი პოლიტიკური თანამდებობის პირი, ასეთი თემებით არ უნდა ცდილობდეს საზოგადოების გულის მოგებას, ის რეალურ ცვლილებებზე უნდა საუბრობდეს, რეალურ პრობლემებს უნდა ხედავდეს და მისი გადჭრისკენ უნდა იყოს მიმართული პრემიერის დროც, ენერგიაც და რესურსიც'', ანა ნაცვლიშვილი, #საია -ს თავმჯდომარე.
