ლამაზი რომ ხარ

ლამაზი რომ ხარ,
მაგის გამო უნდა მიყვარდე?
და თავგზა უნდა ამირიოს შენმა მშვენებამ?
ხომ შეიძლება ერთხელ ისე ამოყირავდე,
რომ მოესწრაფოს სილამაზეს გადაშენება.
განა დროს ვინმე შემორჩება მუდამ ლამაზად?
დრო ვერაგია, შენს ღაწვებზეც გაიბატონებს,
და შენ ბებერი შემორჩები სასტიკ შარაგზას,
და შემოგრჩება გაწბილება და სიმარტოვე.
ამიტომ თუ გაქვს ისეთი, რაც დროსაც გაუძლებს,
წარმოაჩინე, დამიჯერე, კარგი იქნება,
მშვენიერ ქალებს ხშირად ვხვდები, ბარში, აღლუმზე,
და იშვიათად ისეთებს რომ დამაფიქრებდა.

https://www.facebook.com/DavitKintsur...