არა რუსულ კანონს - ახალციხეში სტუდენტები იფიცებიან

13.05.2024 04:58

მეცხრე არხი ახალციხე

არხი

სამცხე–ჯავახეთის სახელმწიფო უნივერსიტეტის სტუდენტების ნაწილმა "რუსული კანონი" გააპროტესტა და გაიფიცა. ახალგაზრდები უნივერსიტეტის ეზოში შეიკრიბნენ და განცხადება გაავრცელეს, სადაც წერია, რომ გმობენ მშვიდობიანი დემონსტრანტების დარბევას და უარს ეუბნებიან რუსულ კანონს. აქციის პარალელურად, რექტორმა სტუდენტებთან შეხვედრა ჩანიშნა. მაკა ბერიძე სტუდენტებს დახურულ კარს მიღმა, მედიის გარეშე შეხვდა. სტუდენტების ნაწილმა შეხვედრა მალევე დატოვა, მათი თქმით, რექტორისგან კითხვებზე პასუხი ვერ მიიღეს. სტუდენტები ამბობენ, რომ რექტორმა მათ მოუწოდა დაუბრუნდნენ აუდიტორიებს და არ ჩაერიონ პოლიტიკურ პროცესებში. ახალგაზრდები სტუდენტურ თვითმმართველობას და ადმინისტრაციას სთხოვენ, დააფიქსირონ პოზიცია და გააპროტესტონ რუსული კანონი. web: https://tv9news.ge/ facebook: / tv9news.ge instagram: / tv9news_ge ვიდეო წარმოადგენს www.tv9news.ge-ს საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა.

გაზიარება: