აღწერა

კომპანია "თერმო ცენტრი" 2001 წლიდან არსებობს ქართულ ბაზარზე. მის საქმიანობაში შედის მსოფლიოს სხვადასხვა ქვეყნებიდან ცენტრალური გათბობის, სანტექნიკის, წყალმომარაგებისა და კანალიზაციის სისტემების გასამართად საჭირო მასალების იმპორტი საქართველოში. ჩვენს ქსელში მომხმარებელს შეუძლია შეიძინოს გათბობის ქვაბები, რადიატორები, აბაზანის საშრობები, წყალგაყვანილობის და სანტექნიკის მონტაჟისთვის საჭირო ცივი და ცხელი წყლის პლასტმასის მილები და სხვა მოწყობილობები. კომპანიის მიზანი და წარმატების მთავარი ფაქტორი, ჩვენ მიერ შემოთავაზებული ხარისხიანი და ინოვაციური პროდუქციაა. კომპანიის შესახებ დამატებითი ინფორმაციის მისაღებად ეწვიეთ ჩვენს ვებგვერდს შემდეგ მისამართზე: www.thermocenter.ge შპს "თერმო ცენტრი" აცხადებს ვაკანსიას ბრენდის მართვის და განვითარების მენეჯერის პოზიციაზე. ანაზღაურება: 2000 ლარი (net) + ბონუსები გაყიდვებიდან; სამუშაო ადგილი: ქ. თბილისი სამუშაო განაკვეთი: სრული; ორშაბათიდან - შაბათის ჩათვლით ფუნქცია-მოვალეობები: ** ბრენდის განსავითარებლად შესაბამისი მარკეტინგული კამპანიების დანერგვა და განხორციელება; ** პროდუქციასთან მიმართებაში მიზნობრივი სეგმენტის მოთხოვნებისა და სტანდარტების კვლევა და ანალიზი; ** თანამშრომლებთან - სხვადასხვა მიმართულებების ხელმძღვანელებთან - სწორი და მუდმივი კომუნიკაცია, მათთვის ბრენდის განვითარების საჭიროებების შესახებ ინფორმაციის მიწოდება; ასევე, მათგან შესაბამისი უკუკავშირის მიღება და მათი ანალიზი; ** კლიენტებთან კომუნიკაცია, მათი შეფასებების, უკუკავშირის მოსმენა; უარყოფითი უკუკავშირის მიღების შემთხვევაში, დროული რეაგირება - მათი დამუშავება და ანალიზი, გამომწვევი მიზეზების დადგენა და მათი გადაჭრის გზების მოძიება შესაბამის გუნდთან ერთად; ** ბრენდის შესახებ საზოგადოებაში ცნობადობის ამაღლებაზე მუშაობა, ამისათვის საჭირო შესაბამისი სტრატეგიების შემუშავება და განხორციელება; ** ბრენდის შესახებ საზოგადოებაში (მათ შორის მიზნობრივ სეგმენტში) უარყოფითი დამოკიდებულების (არსებობის შემთხვევაში) აღმოჩენა, მათი გამომწვევი მიზეზების დადგენა და მათი დროულად და ეფექტიანად აღმოფხვრა შესაბამისი მიმართულების გუნდებთან ერთად; ** სხვადასხვა შესაბამის ღონისძიებებში (მათ შორის, მარკეტინგულ) ჩართვა და ბრენდის წარმომადგენლობა. საკვალიფიკაციო მოთხოვნები: ** სასურველია მუშაობის 1 წლიანი ან მეტი გამოცდილება - საცალო გაყიდვების კომპანიაში კატეგორიის მენეჯერად ან ბრენდ მენეჯერად; ** უმაღლესი განათლება ბიზნეს ადმინისტრირების მიმართულებით. დამატებითი ბენეფიტები: ** ჯანმრთელობის დაზღვევა; ** კვება; ** ფიტპასი. დაინტერესებულ კანდიდატებს გთხოვთ, გამოაგზავნოთ CV შემდეგ მისამართზე: [email protected] და სათაურის ველში (subject) მიუთითოთ ვაკანსიის დასახელება " ბრენდის მართვის და განვითარების მენეჯერი " აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ" საქართველოს კანონის ფარგლებში შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს. გისურვებთ წარმატებას!