ავტოიმპორტიორი კომპანიაა "IndigoCars", რომელიც საქართველოს ბაზარზე ოპერირებს 5 წელია. კომპანია წარმოადგენს საერთაშორისო ბრენდების ოფიციალურ პარტნიორს საქართველოში და მომხმარებელს სთავაზობს მანქანის შეძენასთან დაკავშირებულ ხარისხიან, ეფექტურ და გამართულ მომსახურებას. კომპანია სანდო და სტაბილური პარტნიორებისა და მომხმარებლებისათვის შეთავაზებული ავტოექსპერტების დახმარებით უზრუნველყოფს როგორც ავტომობილის შერჩევას, ასევე მის ტრანსპორტირებას საქართველომდე.

ავტოიმპორტიორი კომპანია "IndigoCars" აცხადებს ვაკანსიას ფინანსური მენეჯერის თანაშემწის პოზიციაზე თბილისში.

ანაზღაურება: 1000 ლარი (ხელზე ასაღები) (ზრდის პერსპექტივით)
სამუშაო განაკვეთი: ორშაბათი-პარასკევი, 18:30-02:30 საათამდე

(კომპანია უზრუნველყოფს ტრანსპორტირებას)

ძირითადი ფუნქციები:

* ფინანსური ინფორმაციის შეგროვება, ტრანზაქციების გადამუშავება და გატარება შიდა
აღრიცხვის სისტემაში;
* კრედიტორული დავალიანების დაფარვა/კონტროლი;
* ბანკის საგადახდო დავალებების შექმნა;
* ტრანზაქციებთან დაკავშირებული რეპორტის მომზადება;

საკვალიფიკაციო მოთხოვნები:

* უმაღლესი განათლება, (სასურველია - ბიზნეს ადმინისტრირებაში, ეკონომიკაში ან
ფინანსებში);
* ინგლისური ენის ცოდნა (სავალდებულოა);
* საოფისე პროგრამების განსაკუთრებით ექსელის ცოდნა;

პიროვნული მახასიათებლები:

* პასუხისმგებლობის მაღალი გრძნობა;
* ანალიტიკური აზროვნების უნარი;
* დეტალებზე ორიენტირებულობა;
* გუნდური მუშაობის უნარი;
* დროის ეფექტურად მართვის უნარი

კომპანია დასაქმებულს სთავაზობს სტაბილურ და საინტერესო გარემოში მუშაობას, განვითარების შესაძლებლობას და მაღალი სტანდარტის სამუშაო პირობებს.

ბენეფიტები:

* ჯამრთელობის დაზღვევა;
* ფიტპასი;

დაინტერესებულმა კანდიდატებმა უნდა გამოაგზავნონ რეზიუმე შემდეგ მისამართზე: [email protected] .Subject-ში აუცილებლად მიუთითეთ ვაკანსიის დასახელება, წინააღმდეგ შემთხვევაში არ განიხილება თქვენი რეზიუმე.

მითითებულ ელ. ფოსტის მისამართზე CV-ის გამოგზავნის შემთხვევაში, კომპანია უფლებამოსილია საქართველოს კანონმდებლობის შესაბამისად, დაამუშაოს თქვენი პერსონალური მონაცემები (შემდგომში - "მონაცემები"), რომლებიც ცნობილი გახდა აღნიშნული ვაკანსიის ფარგლებში.

მონაცემების დამუშავების მიზანს წარმოადგენს მოცემულ ან კომპანიის მიერ გამოცხადებულ სხვა ნებისმიერ ვაკანსიაზე თქვენი კანდიდატის განხილვა. აღნიშნული მიზნით, მონაცემების დამუშავება ხორციელდება არაუმეტეს 12 (თორმეტი) თვის ვადით.

გაითვალისწინეთ, რომ კომპანიაში CV-ის გამოგზავნით თქვენ თანხმობას აცხადებთ ზემოაღნიშნულ პირობაზე თქვენი პერსონალური მონაცემების დამუშავების შესახებ.

პერსონალურ მონაცემთა დაცვის შესახებ საქართველოს კანონის მიზნებისთვის, პერსონალურ მონაცემთა დამუშავებაში იგულისხმება მონაცემთა მიმართ შესრულებული ნებისმიერი მოქმედება, მათ შორის, მათი შეგროვება, მოპოვება, შენახვა და სხვ.